Exodus 24:1 ουοϩ πεϫαϥ μ μωυςης ϫε αμου ε`πϣωι ϩα `πϭοις `νθοκ νεμ ααρων νεμ ναδαβ νεμ αβιουδ νεμ `ϣβε `ντε νιπρεςβυτερος `ντε πιςραηλ ουοϩ μαρουουωϣτ `μ`πϭοις ϩι φουει

Exodus 24:2 ουοϩ μωυςης μμαυατϥ εϥεϧωντ ϩα `φνουϯ νη δε `ννουϧωντ πιλαος δε `ννεϥι ε`πϣωι νεμωου

Exodus 24:3 αϥι δε εϧουν `νϫε μωυςης αϥςαϫι ϧατεν πιλαος ννιςαϫι τηρου `ντε `φνουϯ νεμ νιμεθμηι αϥερουω δε `νϫε πιλαος τηρϥ ϧεν ουςμη νουωτ ευϫω `μμος ϫε ςαϫι νιβεν ετα `πϭοις ςαϫι `μμωου τεννααιτου ουοϩ τενναςοθμου

Exodus 24:4 ουοϩ α μωυςης ςϧε νιςαϫι τηρου `ντε `πϭοις αϥϣορπϥ δε `νϫε μωυςης `νϩανατοουι ουοϩ αϥκωτ νουμανερϣωουϣι ϧαρατϥ `μπιτωου ουοϩ μητ 2. `νωνι εϯμητ `ςνουϯ `μφυλη `ντε πιςραηλ

Exodus 24:5 ουοϩ αϥουωρπ εβολ ννιϧελϣιρι `ντε πιςραηλ ουοϩ αυινι ε`πϣωι `νϩανϭλιλ ουοϩ αυϣωτ `νϩανμαςι νουϣουϣωουϣι `νουϫαι `μ`φνουϯ

Exodus 24:6 αϥϭι δε `νϫε μωυςης ντφαϣι `μπιςνοϥ αϥϫοϣϥ ε`ϧρηι εουκρατηρ ϯκεφαϣι δε `ντε πιςνοϥ αϥϫοϣϥ ϧατεν πιμανερϣωουϣι

Exodus 24:7 ουοϩ αϥϭι μπιϫωμ `ντε ϯδιαθηκη αϥωϣ ενενμαϣϫ `μπιλαος ουοϩ πεϫωου ϫε ϩωβ νιβεν εταϥςαϫι `μμωου `νϫε `πϭοις τεννααιτου ουοϩ τενναςοθμου

Exodus 24:8 αϥϭι δε `νϫε μωυςης μπιςνοϥ αϥνουϫϧ εϫεν πιλαος ουοϩ πεϫαϥ ϫε ϩηππε ις πιςνοϥ `ντε ϯδιαθηκη θη εταϥςεμνητς νεμωτεν `νϫε `πϭοις εθβε ναιςαϫι τηρου

Exodus 24:9 ουοϩ αϥϣεναϥ ε`πϣωι `νϫε μωυςης νεμ ααρων νεμ ναδαβ νεμ αβιουδ νεμ `ϣβε `ντε νιπρεςβυτερος `ντε πιςραηλ

Exodus 24:10 ουοϩ αυναυ επιμα φη εναϥοϩι ερατϥ μμαυ `νϫε `φνουϯ `μπιςραηλ ουοϩ νη ετςαπεςητ `ννεϥϭαλαυϫ `μ`φρηϯ νουϩωβ `ντε ουτωβι νςαπφιρος νεμ `μ`φρηϯ `μπαουαν `ντε πιςτερεωμα `ντε `τφε νεμ πιφιρι ετε ϥοι `μμοϥ

Exodus 24:11 ουοϩ νιςωτπ `ντε πιςραηλ μπε ουαι εβολ νϧητου τακο ουοϩ αυουονϩου ϧεν πιμα `ντε `φνουϯ ουοϩ αυουωμ ουοϩ αυςω

Exodus 24:12 ουοϩ πεϫε `πϭοις μ μωυςης ϫε αμου ε`πϣωι ϩαροι εϫεν πιτωου ουοϩ ϣωπι μμαυ ουοϩ ϯναϯ νακ `ννιπλαξ νωνι πινομος νεμ νιεντολη νη εταιςϧητου εϯςβω νμου ερωου

Exodus 24:13 ουοϩ αϥτωνϥ `νϫε μωυςης νεμ ιηςου φη ετοϩι ερατϥ ναϩραϥ αυι ε`πϣωι εϫεν πιτωου `ντε `φνουϯ

Exodus 24:14 ουοϩ πεϫαϥ ννιπρεςβυτερος ϫε οϩι `μπαιμα ερετενουρωου ϣατενταςθο ϩαρωτεν ουοϩ ϩηππε ις ααρων νεμ ωρ ςεχη νεμωτεν εϣωπ αρεϣαν ουϩαπ ϣωπι νουαι μαρουϣενωου ϩαρωου

Exodus 24:15 ουοϩ αϥϣεναϥ ε`πϣωι επιτωου `νϫε μωυςης νεμ ιηςου ουοϩ α ϯϭηπι ϩωβς μπιτωου

Exodus 24:16 ουοϩ πωου μ`φνουϯ αϥι ε`ϧρηι εϫεν πιτωου `ντε ςινα ουοϩ αςϩοβςϥ `νϫε ϯϭηπι `ν6 νεϩοου ουοϩ αϥμουϯ `νϫε `πϭοις ε μωυςης μπιμαϩϣαϣϥ `νὲϩοου εβολ ϧεν θμηϯ νϯϭηπι

Exodus 24:17 πινι δε μπιωου `ντε `πϭοις ναϥοι `μ`φρηϯ νουχρωμι εϥοι `νϣαϩ ϩιϫεν ταφε μπιτωου`μπεμθο `ννενϣηρι `μπιςραηλ

Exodus 24:18 ουοϩ αϥϣεναϥ `νϫε μωυςης εϧουν εθμηϯ νϯϭηπι ουοϩ αϥϣεναϥ ε`πϣωι επιτωου ουοϩ ναϥχη μμαυ πε ϩιϫεν πιτωου `ν`ϩμε `νεϩοου νεμ `ϩμε `νὲϫωρϩ