Exodus 13:1 πεϫε `πϭοις δε μ μωυςης εϥϫω `μμος.

Exodus 13:2 ϫε ματουβε ϣορπ μμιςι νιβεν νηι `νϣαμιςι εθναουων ετοϯ νιβεν ϧεν νενϣηρι `μπιςραηλ ιςϫεν φρωμι ϣα πτεβνη νουι νε

Exodus 13:3 πεϫε μωυςης δε μπιλαος ϫε αρι`φμευι `μπαιεϩοου εταρετενι εβολ `μμοϥ ϧεν `πκαϩι `νχημι εβολ ϧεν πηι `ντε ϯμετβωκ `ν`ϩρηι γαρ ϧεν ουϫιϫ εςαμαϩι α `πϭοις εν θηνου εβολ `μναι ουοϩ ννετενουωμ ϣεμηρ.

Exodus 13:4 `ν`ϩρηι γαρ ϧεν παιεϩοου νθωτεν τετεννηου εβολ ϧεν πιαβοτ `ντε νιβερι.

Exodus 13:5 ουοϩ εςεϣωπι αρεϣαν `πϭοις πεκνουϯ ολκ εϧουν επικαϩι `ντε νιχανανεος νεμ νιχεττεος νεμ νιαμορρεος νεμ νιφερεζεος νεμ νιεβουςεος νεμ νιευεος νεμ νιγεργεςεος φη εταϥωρκ `μμοϥ `ννεκιοϯ εϯ νακ μπικαϩι ετϧαϯ νερωϯ νεμ εβιω ουοϩ εκειρι `μπαιϣεμϣι `ν`ϩρηι ϧεν παιαβοϯ.

Exodus 13:6 6 `νὲϩοου ερετενεουεμ ατϣεμηρ πιεϩοου δε `μμαϩ ϣαϣϥ `πϣαι `μ``πϭοις πε

Exodus 13:7 ερετενεουωμ ατϣεμηρ `μπιϣαϣϥ `νὲϩοου `ννεϥουονϩϥ νακ εβολ `νϫε ουον εουον ϣεμηρ `μμοϥ ουδε `ννε ουϣεμηρ ϣωπι νακ ϧεν νεκϭι`η τηρου.

Exodus 13:8 ουοϩ εκεταμε πεκϣηρι ϧεν πιεϩοου ετεμμαυ εκϫω `μμος ϫε εθβεφαι αϥιρι νηι `νϫε `πϭοις `φνουϯ `μπιρηϯ εινηου εβολ ϧεν `πκαϩι `νχημι

Exodus 13:9 ουοϩ εϥεϣωπι νακ νουμηινι ϩι τεκϫιϫ νεμ ουμευι ναϩρεν νεκβαλ ϩοπως `ντε πινομος `ντε `πϭοις ϣωπι ϧεν ρωκ `ν`ϩρηι γαρ ϧεν ουϫιϫ εςαμαϩι α `πϭοις ενκ εβολ ϧεν `πκαϩι `νχημι.

Exodus 13:10 ουοϩ ερετενεαρεϩ επαινομος κατα ϩανςηου `ντε ϩανουνωουι ιςϫεν εϩοου ϣα εϩοου.

Exodus 13:11 ουοϩ εςεϣωπι αρεϣαν `πϭοις πεκνουϯ ολκ εϧουν ε`πκαϩι `ντε νιχανανεος `μ`φρηϯ εταϥωρκ `ννεκιοϯ ουοϩ `ντεϥτηιϥ νακ.

Exodus 13:12 ουοϩ εκεουωϯ εβολ ννη τηρου εθναουων ντοϯ νιϩωουτ ευεερ να `πϭοις ουον νιβεν ετναουων ετοϯ εβολ ϧεν νιεϩωου ιε `ν`ϧρηι ϧεν νεκτεβνωουι τηρου εθναϣωπι νακ νιϩωουτ τηρου ευεερ να `πϭοις.

Exodus 13:13 ουον νιβεν εθναουων ετοϯ νουεω εκεϣοβτϥ ϧα ουεςωου εϣωπ δε ακϣτεμϣοβτϥ εκεςοτϥ ϣορπ `μμιςι νιβεν `ντε νεκϣηρι `νκεςοτϥ.

Exodus 13:14 εϣωπ δε αϥϣανϣενκ `νϫε πεκϣηρι μενενςα ναι εϥϫω `μμος ϫε ου πε φαι ουοϩ εκεϫος ναϥ ϫε `ν`ϧρηι ϧεν ουϫιϫ εςαμαϩι α `πϭοις εντεν εβολ ϧεν `πκαϩι `νχημι εβολ ϧεν πηι `νϯμετβωκ.

Exodus 13:15 αςϣωπι δε ετα φαραω νϣοτ εϣτεμχαν εβολ αϥϧωτεβ `νϣορπ μμιςι νιβεν ετϧεν `πκαϩι `νχημι ιςϫεν πϣορπ `μμιςι `ννιρωμι ϣα πϣορπ μμιςι ννιτεβνωουι εθβεφαι ανοκ ϯϣωτ `μ`πϭοις `νϩωουτ νιβεν εθναουων ετοϯ ουοϩ ϣορπ μμιςι νιβεν `ντε ναϣηρι ϯναςοτου.

Exodus 13:16 ουοϩ εϥεϣωπι νουμηινι ϩι τεκϫιϫ ουοϩ εϥοι νατκιμ `ναϩρεν νεκβαλ `ν`ϧρηι γαρ ϧεν ουϫιϫ εςαμαϩι α `πϭοις εντεν εβολ ϧεν `πκαϩι `νχημι.

Exodus 13:17 αςϣωπι δε ετα φαραω ουωρπ `μπιλαος εβολ `μπεϥϭιμωιτ ϧαϫωου `νϫε `φνουϯ ϧεν φμωιτ `μπικαϩι `ντε νιφυλιςτιιμ ϫε ναϥϧεντ πε αϥϫος γαρ `νϫε `φνουϯ ϫε μηποτε `ντεϥουωμ `νϩθηϥ `νϫε πιλαος αϥϣανναυ εουβωτς ουοϩ ντεϥταςθο ε`ϧρηι εχημι.

Exodus 13:18 ουοϩ αϥκωϯ `νϫε `φνουϯ νεμ πιλαος ϩι φμωιτ μπϣαϥε φη ετχη ϩιϫεν `φιομ `νϣαρι `ν`ϧρηι δε ϧεν φμαϩ `τιου `νϫωου αυὶ ὲ`πϣωι `νϫε νενϣηρι `μπιςραηλ εβολ ϧεν `πκαϩι `νχημι.

Exodus 13:19 ουοϩ α μωυςης ωλι ννενκας `ντε ιωςηφ νεμαϥ ϧεν ουαναϣ γαρ α ιωςηφ ταρκε `ννενϣηρι `μπιςραηλ εϥϫω `μμος ϫε ϧεν ουϣινι `πϭοις ναϣινι ερωτεν ουοϩ ερετενεωλι ννακας εβολ ται νεμωτεν.

Exodus 13:20 αυϥαι δε `νϫε νενϣηρι `μπιςραηλ εβολ ςοκχωθ αυθωουϯ εοθομ ϧατεν `πϣαϥε.

Exodus 13:21 `φνουϯ δε ναϥϭιμωιτ ϧαϫωου πε `νϩρηι μεν ϧεν πιεϩοου ουςτυλλος νϭηπι εϥταμο `μμωου επιμωιτ `μπιεϫωρϩ δε ϧεν ουςτυλλος `νχρωμ

Exodus 13:22 `μπεϥμουνκ δε `νϫε πιςτυλλος νϭηπι `ντε πιεϩοου νεμ πιςτυλλος `ντε πιχρωμ ϧεν πιεϫωρϩ `μπεμθο μπιλαος τηρϥ.