Exodus 28:1 ουοϩ `νθοκ ανιουι εϧουν ϩαροκ `νααρων πεκςον νεμ νεϥϣηρι εβολ ϧεν νενϣηρι `μπιςραηλ εθρουερουηβ νηι `νϫε ααρων νεμ ναδαβ νεμ αβιουδ νεμ ελεαζαρ νεμ ιθαμαρ νενϣηρι νααρων

Exodus 28:2 ουοϩ εκεθαμιο νουςτολη εςουαβ `νααρων πεκςον εουτιμη νεμ ουωου

Exodus 28:3 ουοϩ `νθοκ ςαϫι νεμ νιςαβευ τηρου ϧεν πουϩητ νη εταιμαϩου μπνευμα κναϯ ουοϩ ευεθαμιο νϯςτολη εςουαβ `νὰὰρων πεθουαβ θη ετεϥναερουηβ νηι νϧητς

Exodus 28:4 ουοϩ ναι νε νιςτολη ετουναθαμιωου φη ετχη ϩιϫεν ϯμεςτενϩητ νεμ ϯεπωμις νεμ πιποδηρη νεμ ϯϣθην ετοι `νλωου νεμ ουκιδαρις νεμ ουμοϫϧ ουοϩ ευεθαμιο `νϩανςτολη `νϩαγιον νααρων νεμ νεϥϣηρι εθρουερουηβ νηι

Exodus 28:5 ουοϩ νθωου ευεϭι μπινουβ νεμ πιϩυακινθινον νεμ πιϭηϫι νεμ πικοκκος νεμ πιϣενς

Exodus 28:6 ουοϩ ευεθαμιο νϯεπωμις εβολ ϧεν ουϣενς εϥςαϯ `νϩωβ `νςωϧι μποικιλτον

Exodus 28:7 επωμις ςνουϯ ευεϣωπι ναϥ ευϧεντ εροϥ ουι ουβε ουι `μμωου ευςεβτωτ εϫεν πιμερος 2.

Exodus 28:8 ουοϩ πςωϧι `ντε νιεπωμις ετϩιωτϥ κατα πιθαμιο εϥεϣωπι εβολ `μμοϥ εβολ ϧεν ουνουβ νεμ ουϩυακινθινον νεμ ουϭηϫι νεμ ουκοκκος εϥμουνκ νεμ ουϣενς εϥςαϯ

Exodus 28:9 ουοϩ εκεϭι μπιωνι 2. `μ`ςμαραγδος ουοϩ εκεφωτϩ `ν`ϧρηι ϩιωτου ννιραν `ντε νενϣηρι `μπιςραηλ

Exodus 28:10 6 `νραν ϩι πιουαι νωνι ουοϩ πικε6 `νραν ϩι πιωνι `μμαϩ 2. κατα νουϫινμιςι

Exodus 28:11 ουϩωβ `ντε ουτεχνη νωνι ουφωτϩ `νςφραγις εκεφωτϩ `μπιωνι 2. εϩρηι εϫεν νιραν `ντε νενϣηρι `μπιςραηλ

Exodus 28:12 ουοϩ εκεχω μπιωνι 2. ϩιϫεν νιναϩβι `ντε νιεπωμις ϩανωνι `ντε ουερφμευι `ντε νενϣηρι `μπιςραηλ ουοϩ εϥεινι ε`πϣωι `νϫε ααρων ννιραν `ντε νενϣηρι `μπιςραηλ`μπεμθο `μ`πϭοις ϩιϫεν τεϥναϩβι `ςνουϯ `νουμευὶ εθβητου

Exodus 28:13 ουοϩ εκεθαμιο `νϩαναςπιδιςκος εβολ ϧεν ουνουβ εϥτουβηουτ

Exodus 28:14 ουοϩ εκεθαμιο νκροςωτον 2. εβολ ϧεν ουνουβ εϥτουβηουτ εϥμοϫτ ϧεν ϩανθενις νϩωβ μπλοκη ουοϩ εκεχω `ννικροςωτον ευολκ εϫεν νιαςπιδοςκος κατα νιπαρωμις εβολ ϧεν νη ετςατϩη

Exodus 28:15 ουοϩ εκεθαμιο νουλογιον `ντε νιϩαπ ουϩωβ μποικιλτον εκεθαμιοϥ κατα πιϣι `ντε ϯεπωμις εβολ ϧεν ουνουβ νεμ ουϩυακινθινον νεμ ουϭηϫι νεμ ουκοκκος εϥςαϯ νεμ ουϣενς εϥεριηβ εκεθαμιοϥ

Exodus 28:16 εϥεϣωπι εϥοι ντετραγωνον νδιπλουν ουερτω νϣιη νεμ ουερτω νουηϣςι

Exodus 28:17 ουοϩ εκεςωϧι `νϧητϥ νουςωϧι κατα ουωνι `ν4. `νςτιχον ουςτιχον νωνι εϥεϣωπι ουςαρδιον νεμ ουτοπαζιον νεμ ουςμαραγδος πιουαι νςτυχος

Exodus 28:18 ουοϩ πιςτυχος μμαϩ 2. ουανθραξ νεμ ουςαπφιρος νεμ ουιαςπις

Exodus 28:19 ουοϩ πιςτυχος `μμαϩ 3. ουλιγιριον νεμ ουαχατης νεμ ουαμεθιςτος

Exodus 28:20 ουοϩ πιςτυχος μμαϩ 4. ουχριςολιθος νεμ ουβηριλλιος νεμ ουονιχιον ευτακτηουτ ϧεν ουνουβ ουοϩ μαρουϣωπι ευςονϩ ϧεν ουνουβ κατα νουςτιχος

Exodus 28:21 ουοϩ νιωνι μαρουϣωπι εβολ ϧεν νιραν `ντε νενϣηρι `μπιςραηλ μητ 2. κατα νουϫινμιςι ϩανφωτϩ `ντε ϩανςφραγις `φουαι `φουαι κατα πεϥραν ευεϣωπι εϯμηϯ `ςνουϯ `μφυλη

Exodus 28:22 ουοϩ εκεθαμιο ϩιϫεν πιλογιον `νϩαν`ϣταϯ ευϣοντ ουϩωβ `ντε ουϩαλυςις εβολ ϧεν ουνουβ εϥτουβηουτ

Exodus 28:23 ουοϩ εϥεϭι `νϫε ααρων ννιραν `ντε νενϣηρι `μπιςραηλ εϫεν πιλογιον `ντε πιϩαπ ε`ϧρηι εϫεν τεϥμεςτενϩητ εϥνηου εϧουν επεθουαβ ευμευι`μπεμθο μ`φνουϯ

Exodus 28:24 ουοϩ εκεχω ϩιϫεν πιλογιον `ντε `πϩαπ `ννιϣταϯ `ννιαλυςιδωτον ουοϩ εκεχαυ ϩιϫεν πιςφιρ 2. `ντε πιλογιον

Exodus 28:25 ουοϩ πιαςπιδιςκος 2. εκεχαυ μπεμθο ϩιϫεν ϯναϩπι `ςνουϯ `ντε ϯὲπωμις

Exodus 28:26 ουοϩ εκεχω ϩιϫεν πιλογιον `ντε `πϩαπ μπιουωνϩ εβολ νεμ ϯμεθμηι ουοϩ εϥεϣωπι ϩιϫεν θμεςτενϩητ νααρων ϩοταν αϥϣανι εϧουν επεθουαβ`μπεμθο `μ`πϭοις ουοϩ εϥεινι `νϫε ααρων `ννιϩαπ `ντε νενϣηρι `μπιςραηλ εϩρηι εϫεν τεϥμεςτενϩητ `μπεμθο `μ`πϭοις νςηου νιβεν

Exodus 28:27 ουοϩ εκεθαμιο νουϣθην μποδηρη `νϩυακινθινον τηρς

Exodus 28:28 ουοϩ εϥεϣωπι `νϫε ϩθης εβολ `μμος ϧεν τεςμηϯ ερε ουον ουςωβι κωϯ εϩθης `νςωϧι εςςηϧι εβολ `μμος `νϫε ϯςιμβολη ϩινα `ντεςϣτεμφωϧ

Exodus 28:29 ουοϩ εκεθαμιο ϩιϫεν νιλωου `ντε ϯϣθην ςαϧρηι `μ`φρηϯ `νουβω `νερμαν εςφορι εβολ `νϩανερμαν εβολ ϧεν ουϩυακινθινον νεμ ουϭηϫι νεμ ουκοκκος εϥερϩιηβ νεμ ουϣενς εϥςαϯ ϩιϫεν πιλωου `ντε ϯϣθην εϥκωϯ `νϩανερμαν ννουβ `μπαιςμοτ ρω νεμ ϩανϣκελκιλ ϧεν θμηϯ `νναι εϥκωϯ

Exodus 28:30 ουϣκελκιλ ϧατεν ουερμαν ννουβ νεμ ϩανϩρηρι ϩιϫεν πιλωου `ντε ϯϣθην εϥκωϯ

Exodus 28:31 ουοϩ εϥεϣωπι `νϫε ααρων ϧεν `πϫινθρεϥϣεμϣι ευεςωτεμ ετεϥςμη εϥνηου εϧουν επεθουαβ`μπεμθο `μ`πϭοις νεμ εϥνηου εβολ ϩινα ντεϥϣτεμμου

Exodus 28:32 ουοϩ εκεθαμιο νουπεταλον ννουβ εϥτουβηουτ ουοϩ εκεφωτϩ `νϧητϥ νουφωτϩ νςφραγις νϩαγιαςμα `μ`πϭοις

Exodus 28:33 ουοϩ εκεχαϥ ϩιϫεν ουϩυακινθινον εϥςαϯ ουοϩ εϥεϣωπι ϩιϫεν ϯμιτρα ουοϩ εϥεϣωπι`μπεμθο νϯμιτρα

Exodus 28:34 ουοϩ εϥεϣωπι ϩιϫεν ϯτεϩνι `ντε ααρων ουοϩ εϥεωλι `μμαυ `νϫε ὰὰρων `ννιβοβι `ντε νη εθουαβ νη ετουνατουβωου `νϫε νενϣηρι `μπιςραηλ ταιο νιβεν `ντε νη εθουαβ ντωου ουοϩ εςεϣωπι `νϫε ϯμιτρα ϩιϫεν ττεϩνι νααρων `νςηου νιβεν εςϣηπ νωου`μπεμθο `μ`πϭοις

Exodus 28:35 ουοϩ νικοςυμβος `ντε νιϣθην μαρουϣωπι εβολ ϧεν ουϣενς ουοϩ εκεθαμιο νουκιδαρις νϣενς νεμ ουμοϫϧ `νϩωβ `μποικιλτον

Exodus 28:36 ουοϩ νιϣηρι `ντε ααρων εκεθαμιο νωου `νϩανϣθην νεμ ϩανμοϫϧ ουοϩ εκεθαμιο νωου `νϩανκυδαρις εουταιο νεμ ουωου

Exodus 28:37 ουοϩ εκετηιτου ϩι ααρων πεκςον νεμ νεϥϣηρι νεμαϥ εκεθαϩςου ουοϩ εκεμοϩ ννουϫιϫ ουοϩ εκετουβωου ϩινα `νςεερουηβ νηι

Exodus 28:38 ουοϩ εκεθαμιο νωου `νϩανπεριςκελη νιαυ εϩωβς μπιϣιπι `ντε πουανομ ευεϣωπι ιςϫεν ϯϯπι ϣα νιαλωϫ

Exodus 28:39 ουοϩ εϥεϭιτου `νϫε ααρων νεμ νεϥϣηρι ευναι εϧουν εϯςκυνη `ντε ϯμετμεθρε ιε ευναι εϧουν εϣεμϣι ϧατεν πιμανερϣωουϣι `ντε πεθουαβ ουοϩ ννουεν νοβι εϩρηι εϫωου ϩινα ντουϣτεμμου ουνομος νενεϩ ναϥ πε νεμ πεϥϫροϫ μενενςωϥ